ಗುಬ್ಬಿ ಶಾಸಕರೊಂದಿಗೆ ಸಮಾಲೋಚನೆ#ಧರಣೆ #ಎಸ್.ಪಿ.ರವರ ಅನುಮತಿಗೆ ಪತ್ರ. - ನಿಮಗಿದು ಗೊತ್ತೆ

TUMAKURU:SHAKTHI PEETA FOUNDATION

ಗುಬ್ಬಿ ಶಾಸಕರಾದ ಶ್ರೀ ಎಸ್.ಆರ್.ಶ್ರೀನಿವಾಸ್ ರವರು ತುಮಕೂರು ಲೋಕಸಭಾ ಸದಸ್ಯರಾದ ಶ್ರೀ ಜಿ.ಎಸ್.ಬಸವರಾಜ್ ರವರ ಮತ್ತು ನನ್ನ ಮೇಲೆ ಮಾಡಿರುವ ಆಪಾದನೆಗಳು ಸಾರ್ವಜನಿಕ ಜೀವನದಲ್ಲಿ ಕಳಂಕ ತರುವಂತಿದೆ. ಈ ಹಿನ್ನೆಲೆಯಲ್ಲಿ ಅವರು ಮಾಡಿರುವ ಆಪಾದನೆಗಳ ಬಗ್ಗೆ ಅವರೊಂದಿಗೆ ಸಮಾಲೋಚನೆ ನಡೆಸಿ, ನಂತರ ಮುಂದಿನ ನಿರ್ಧಾರ ಕೈಗೊಳ್ಳಲು ಚಿಂತನೆ ನಡೆಸಲಾಗಿದೆ.

ಕಳೆದ 33 ವರ್ಷಗಳಿಂದ ಅಭಿವೃದ್ಧಿ ರಾಜಕಾರಣ ಮಾಡಿಕೊಂಡು ಬರುತ್ತಿರುವ ನನಗೆ ವೈಯಕ್ತಿಕವಾಗಿ ಇದೂವರೆಗೂ ಯಾರೊಬ್ಬರ ಮೇಲೂ ನಿಂದನೆ, ಆರೋಪ, ಮಾಡಿರುವ ಉದಾಹರಣೆಗಳು ನನ್ನ ಬಳಿ ಇಲ್ಲ. ನಾನು ‘ಶಾಸಕರ ಅಭಿವೃದ್ಧಿ ಸಮರಕ್ಕೆ’ ಸಜ್ಜಾಗಿದ್ದೇನೆಯೇ ಹೊರತು ವೈಯಕ್ತಿಕ ನಿಂದನೆಗೆ ಅಲ್ಲ.

ಆದರೇ ಶಾಸಕರು ವೈಯಕ್ತಿಕ ನಿಂದನೆ ಮಾಡಿರುವುದರಿಂದ ಅವರೊಂದಿಗೆ ಮೊದಲು ಮುಕ್ತವಾಗಿ ಸಮಾಲೋಚನೆ ನಡೆಸಲು ತಾಯಿ ಶಕ್ತಿದೇವತೆ ನನಗೆ ಆದೇಶಿಸಿದ್ದಾರೆ. ಆದ್ದರಿಂದ ಅನುಮತಿಗಾಗಿ ಎಸ್.ಪಿ.ರವರಿಗೆ ಪತ್ರ ಬರೆಯಲಾಗಿದೆ.

ಕ್ರಮಾಂಕ:ಶಕ್ತಿ/ಎಸ್.ಪಿ.ತು/1/2021 ದಿನಾಂಕ:16.08.2021

ಗೆ

ಎಸ್.ಪಿ.ರವರು

ತುಮಕೂರು ಜಿಲ್ಲೆ. ತುಮಕೂರು

ಮಾನ್ಯರೇ

ವಿಷಯ: ದಿನಾಂಕ:19.08.2021 ನೇ ಗುರುವಾರ ಬೆಳಿಗ್ಗೆ 11 ಗಂಟೆಗೆ ಗುಬ್ಬಿ ಶಾಸಕರಾದ ಶ್ರೀ ಎಸ್.ಆರ್.ಶ್ರೀನಿವಾಸ್ ರವರ ಮನೆ ಮುಂದೆ ಧರಣಿ ಕುಳಿತು ಕೊಂಡು ಅವರು ಮಾಡಿರುವ ಆಪಾದನೆಗಳ ಬಗ್ಗೆ ಸಮಾಲೋಚನೆ ನಡೆಸಲು ಅನುಮತಿ ನೀಡುವ ಬಗ್ಗೆ.

ದಿನಾಂಕ:14.08.2021 ರಂದು ಮತ್ತು ದಿನಾಂಕ:15.08.2021 ರಂದು ಗುಬ್ಬಿ ಶಾಸಕರಾದ ಶ್ರೀ ಎಸ್.ಆರ್.ಶ್ರೀನಿವಾಸ್ ರವರು ತುಮಕೂರು ಲೋಕಸಭಾ ಸದಸ್ಯರಾದ ಶ್ರೀ ಜಿ.ಎಸ್.ಬಸವರಾಜ್ ರವರ ಮತ್ತು ನನ್ನ ಮೇಲೆ ಮಾಡಿರುವ ಆಪಾದನೆಗಳ ಬಗ್ಗೆ ಮುಕ್ತವಾಗಿ ಶಾಸಕರೊಂದಿಗೆ ಸಮಾಲೋಚನೆ ನಡೆಸಲು, ತುಮಕೂರಿನ ವಿದ್ಯಾ ನಗರದಲ್ಲಿರುವ ಅವರ ಮನೆ ಮುಂದೆ ಧರಣೆ ನಡೆಸಲಾಗುವುದು.

ಆದ್ದರಿಂದ ನನಗೆ ದಿನಾಂಕ:19.08.2021 ನೇ ಗುರುವಾರ ಬೆಳಿಗ್ಗೆ 11 ಗಂಟೆಗೆ ಗುಬ್ಬಿ ಶಾಸಕರಾದ ಶ್ರೀ ಎಸ್.ಆರ್.ಶ್ರೀನಿವಾಸ್ ರವರ ಮನೆ ಮುಂದೆ ಧರಣೆ ಕುಳಿತು ಕೊಳ್ಳಲು ಅನುಮತಿ ನೀಡಲು ಈ ಮೂಲಕ ಕೋರಿದೆ.

ಒಂದು ವೇಳೆ ತಾವೂ ಅಥವಾ ಗುಬ್ಬಿ ಶಾಸಕರಾದ ಶ್ರೀ ಎಸ್.ಆರ್.ಶ್ರೀನಿವಾಸ್ ರವರು ಬೇರೆ ಸಮಯದಲ್ಲಿ ಅಥವಾ ಬೇರೆ ಸ್ಥಳದಲ್ಲಿ ಸಮಾಲೋಚನೆ ನಡೆಸಲು ಇಚ್ಚಿಸಿದರೂ ಸೂಕ್ತ ದಾಖಲೆಗಳೊಂದಿಗೆ ಹಾಜರಾಗಲಾಗುವುದು ಎಂಬ ಅಂಶವನ್ನು ತಮ್ಮ ಆಧ್ಯ ಗಮನಕ್ಕೆ ತರಬಯಸುತ್ತೇನೆ.

ಈ ಪತ್ರದ ಜೊತೆ ರವಾನಿಸಲಾಗಿದೆ.