ಶಕ್ತಿಪೀಠ ಕ್ಯಾಂಪಸ್ : ಸೊಪ್ಪು-ಸೆದೆ-ಬೇರು-ಬೀಜ ಜ್ಞಾನ ದಾನ ಮಾಡಿ - ನಿಮಗಿದು ಗೊತ್ತೆ

TUMAKURU:SHAKTHI PEETA FOUNDATION

ಶಕ್ತಿಪೀಠ ಕ್ಯಾಂಪಸ್ ನಲ್ಲಿ ಮನುಷ್ಯ ತಿನ್ನುವ ಎಷ್ಟು ತರಹದ ಸೊಪ್ಪು ಬೆಳೆಯುತ್ತದೆಯೋ ಅಷ್ಟು ಜಾತಿಯ ಸೊಪ್ಪು ಸಂಗ್ರಹ ಮಾಡಿ ಬೆಳೆಸಲು ಪಾರಂಪರಿಕ ವೈದ್ಯ ಶ್ರೀ ಗುರುಸಿದ್ಧರಾಧ್ಯರವರು-9901010013 ಮತ್ತು ನಿವೃತ್ತ ಅರಣ್ಯ ಡೆಪ್ಯೂಟಿ ರೇಂಜ್ ಆಫೀಸರ್ ಶ್ರೀ ಗೋವಿಂದಪ್ಪನವರು-9535566405 ಚಿಂತನೆ ನಡೆಸಿದ್ದಾರೆ.

ಗೋವಿಂದಪ್ಪನವರು ಅವರ ಮನಸ್ಸಿಗೆ ಬಂದ ಸೊಪ್ಪುಗಳ ಪಟ್ಟಿ ಮಾಡಿದ್ದಾರೆ. ಕೆಲವು ಸೊಪ್ಪುಗಳ ಹೆಸರು ತಪ್ಪು ಇರಬಹುದು, ಕೆಲವು ಸೊಪ್ಪುಗಳ ಹೆಸರು ಬಿಟ್ಟಿರಬಹುದು, ಜ್ಞಾನವುಳ್ಳವರು ಸೊಪ್ಪು-ಸೆದೆ-ಬೇರು-ಬೀಜ ದಾನ ಮಾಡಲು ಮನವಿ.

ನಾನು ಮೊದಲ ಭಾರಿ ಶ್ರೀ ಗೋವಿಂದಪ್ಪನವರ ಮನೆಗೆ ಭೇಟಿ ನೀಡಿದಾಗ ಅವರು ನನಗೆ ಎಲ್ಲಾ ಜಾತಿಯ ಸೊಪ್ಪುಗಳನ್ನು ಒಂದು ಕಡೆ ಬೆಳೆಯ ಬೇಕು ಎಂಬ ಕನಸು ಇದೆ ಸಾರ್, ಆದರೆ ಸರಿಯಾದ ಜಾಗ ಮತ್ತು ಅನೂಕೂಲ ಇದೂವರೆಗೂ ದೊರಕಿಲ್ಲ ಎಂದರು.

ನಾನು ನಿಮ್ಮ ಕನಸು ನನಸು ಮಾಡಲು ಒಬ್ಬ ಹುಚ್ಚ ಸಿಗಬೇಕು, ನಮ್ಮ ಕ್ಯಾಂಪಸ್ ನಲ್ಲಿ ಬೆಳಿಸಿರಿ ಎಂದೆ. ಅವರು ಈಗ ಕನಸು ನನಸು ಮಾಡಲು ಸಜ್ಜಾಗಿದ್ದಾರೆ. ಅವರಿಗೆ ಸಹಕಾರ ನೀಡುವಿರಾ? ಜೊತೆಗೆ ಯಾವ ಸೊಪ್ಪನ್ನು ಏಕೆ ತಿನ್ನ ಬೇಕು ಎಂಬ ಬಗ್ಗೆಯೂ ಮಾಹಿತಿ ಸಂಗ್ರಹಮಾಡುತ್ತಿದ್ದಾರೆ ಅವರು.

ಇಂದು ಬೆಳಿಗ್ಗೆ ಮಾತನಾಡಿದ ಅವರಿಬ್ಬರು ಈ ಬಗ್ಗೆ ಚರ್ಚೆ ಮಾಡಿದರು ಹೆಚ್ಚಿನ ಮಾಹಿತಿಗಾಗಿ ನಿಮಗೆ ಈ ಮನವಿ. ಗಿಡ ಬೆಳೆಸುತ್ತಿರುವ ಶ್ರೀ ಬಸವರಾಜ್-9663288190 ಇವರು ಸಹ ಕ್ಯಾಂಪಸ್ ಸುತ್ತ ಇರುವ ಸೊಪ್ಪುಗಳ ಬೇರು, ಬೀಜ ಸಂಗ್ರಹ ಮಾಡುತ್ತಿದ್ದಾರೆ.